မန်ချက်စတာယူနိုက်တက်ဟာ ကြောက်စရာကောင်းနေဆဲဟု မာတင်ဆို

Wolfsburg ရဲ့တိုက်စစ်မှူး Obafemi Martins က သူ့ရဲ့အသင်းဖော်တွေကို မန်ချက်စတာ ယူနိုက်တက်အသင်းနဲ့ ကစားတဲ့အခါမှာ အချိန်ပြည့် သတိထား ကစားဖို့လိုတယ်လို့ သတိပေးစကား ပြောလိုက်ပါတယ်။

သူက "မန်ယူလို အသင်းမှာ အခုဆို ရော်နယ်ဒိုလ်နဲ့ တီဗက်စ်လို ကစားသများမျိုးတွေ မရှိတော့တာတောင် ဒီအသင်းဟာ ပိုကြောက်စရာ ကောင်းလာ တယ်လို့ ကျနော် မြင်ပါတယ်။ အရင်တုန်းကတော့ ပွဲရဲ့ အဖြေပြောင်းဖို့ဟာ ရော်နယ်ဒို တယောက်တည်းကိုပဲ အာရုံထားနေရပါတယ်။ ခုကတော့ ပွဲရဲ့ အဖြေကို ပြောင်းလဲနိုင်စွမ်းက အသင်းက လူတိုင်းမှာ ရှိနေပါတယ်" ဒါ့အပြင် မာတင်က ယူနိုက်တက်ရဲ့ နံပါတ် ၁၀ ရူနီအကြောင်းကို အထူးပဲ အလေထား ပြောသွားပါတယ်။ "ကျနော်တို့နဲ့ ကစားမဲ့ပွဲမှာ ရူနီကို မျက်ခြေမပြတ် စောင့်ကြည့်နိုင်ဖို့လိုပါတယ်။ သူဟာ တကယ့်ကို ကစားသမား ကောင်းတယောက် ပါပဲ။ ကျနော့ရဲ့ အကြိုက်ဆုံးတွေထဲက တယောက်ဆိုလည်း မမှားဘူးပေါ့။ "

မာတင်က သူ့အသင်းက ကစားသမားများအကြောင်းကိုလည်း ပြောပါသေးတယ်။ "ကျနော်တို့ အသင်းမှာ တကယ့်ကို အရည်အချင်းပြည့်တဲ့ ကစားသမား အမြောက်အများရှိပါတယ်။ Grafite တို့ Dzeko တို့ပေါ့ Grafite က ဘယ်လိုအနေအထားက ဖြစ်ဖြစ် ဂိုးရအောင် သွင်းယူနိုင်တဲ့ သူပါ။ Dzeko ကတော့ သန်မာဖြတ်လတ်ပီး ပွဲအဖြေပြောင်းလဲနိုင်စွမ်းရှိတဲ့ ကစားသမားမျိုးပါပဲ။ ကျနော်တို့က တိုက်စစ်ကို ဦးစားပေးတဲ့ အသင်းပါ။ မန်ချက်စတာ ယူနိုက်တက်ကလည်း ပုံစံတူ ကစားနည်းမျိုးပါပဲ။ ဒါကြောင့် ကျနော်တို့ ၂သင်း တွေ့တဲ့အခါ အဖြေက စိတ်ဝင်စားစရာ ကောင်းပါလိမ့်မယ်" လို့ ပြောသွားပါတယ်

Filed Under: Champion League , Featured , Interview