လစ်ဘာပူး - မန်ယူ ပွဲပြီး သုံးသပ်ချက်
ကဲ ကျနော်တို့ ရဲ့ သူရဲနီတွေတော့ အတောင်ပံကျိုးနေတဲ့ ကြိုးကြာနီတွေရဲ့ အတက်စူးတာကို ခံလိုက်ရပီဗျာ... ပွဲမစခင်ကတည်းက ကျနော်ထင်ထားတဲ့အတိုင်း လစ်ဘာပူးတို့ရဲ့ ၄ ပွဲဆက်ဆိုတဲ့ အရှုံးဟာ မန်ယူကိုအနိုင်ကန်ဖို့  လုံလောက်တဲ့ခွန်အားဖြစ်သွားခဲ့တာပါပဲ။
ဒီကနေ့ ပွဲမှာ ရှူံးရတဲ့အကြောင်းအရင်းတွေကို ကျနော်တို့ ဆွေးနွေးကြည့်ရအောင်...
ပထမဆုံးအနေနဲ့  နည်းပြကြီးရဲ့ လူထုတ်ပုံ
နည်းပြကြီးအနေနဲ့  လစ်ဘာပူးလ်လို အသင်းနဲ့ တွေ့ တဲ့အခါမှာ အဓိကကတော့ ကွင်းလယ်မှာသာ အသာစီးယူထားလိုက်မယ်ဆိုရင် ကိုယ်လိုချင်တဲ့ ရလာဒ်ကို မလွဲမသွေရောက်မယ်လို့  မြင်မိပါတယ်။ အခုလက်ရှိသုံးလိုက်တဲ့ ၄-၄-၂ ကစားကွက်မှာ ဂစ်ကို ပွဲအစကတည်းက ထည့်သုံးလိုက်တာဟာ မှားယွင်းတယ်လို့  ထင်ပါတယ်။ ဂစ်ဟာ ဘယ်လောက်ပဲ ခြေစွမ်းပြနေတယ်ပြောပြော သူ့ ရဲ့ ကြံ့ခိုင်မှူအားက မိနစ် ၉၀ လုံးဆော့ဖို့  မလုံလောက်တော့ပါဘူး။ ပြီးခဲ့တဲ့ ပွဲတွေကို ပြန်ကြည့်မယ်ဆိုရင်လည်း ဂစ်ဟာ ပွဲအစကတည်းက သုံးတာထက်စာရင် ပွဲချိန်တ၀က်လောက်မှ ထည့်သုံးတာဟာ ဂစ်ရဲ့ခြေစွမ်းကို ပိုပြီးအသုံးဝင်စေပါတယ်။ တမန်မနှစ်က လစ်ဘာပူးလ်ကို အပြတ်အသတ်ချေမှုန်းနိုင်ခဲ့တဲ့ ၄-၅-၁ အခင်းအကျင်းလေးကို သတိရမိပါတယ်။ အဲ့ဒီကစားကွက်မှာ အလယ်တန်း ၅ယောက်ထားပြီး အန်ဒါဆန်ကို သုံးသင့်တယ်လို့ ထင်ပါတယ်။ အန်ဒါဆန်ဟာ ဘောလုံးအခင်းအကျင်းမှာသာ သိပ်ပြီးတော့ မပိုင်နိုင်သေးပေမဲ့ အဖျက်ကောင်းတဲ့ ဖလက်ချာ မပါနိုင်တဲ့အချိန်၊ အခုနောက်ပိုင်း စိတ်ဓာတ်ပိုင်းနဲ့ ကစားအားအပိုင်းမှာ အနည်းငယ် ပြောစရာရှိနေတဲ့ ကာရစ်၊ အ၀ါကတ်တွေကို မလိုအပ်ပဲ ပေးလွန်းတဲ့ ပေါ့စခိုးတို့ ထက် စာရင် ကစားအား၊ အဖျက်အားမှာ အရမ်းကောင်းတဲ့ အက်ဒါဆန်ကို အရင်ဆုံးသုံးသင့်ပါတယ်။
ဂိုးသမား
ဗန်ဒါဆားအနေနဲ့ ကတော့ သူ့ အသက်အရွယ်နဲ့  အကောင်းဆုံးကာကွယ်မှုတွေ လုပ်သွားနိုင်ပါတယ်။ ဗန်ဒါဆားသာ အကောင်းဆုံးမဖမ်းနိုင်ခဲ့ရင် ပထမပိုင်းကတည်းက ၂-၀ လောက်နဲ့  အရှုံးပေးရမဲ့အနေအထားပါ။
နောက်တန်း
နောက်တန်းမှာ အဓိက အားနည်းသွားတဲ့အကြောင်းက လူကပ်ကစားခြင်းပါပဲ။ ဖာဂူဆန်ကပဲ သေချာမှာထားလို့ လား၊ ဒါမှမဟုတ် ဗီဒစ်ကပဲ မနှစ်ကသူ့ ရဲ့အမှားကို စိတ်ထဲစွဲနေပြီး တောရက်စ်ကို အသေပဲ ကပ်ကစားသလား မပြောတတ်ပါဘူး။ ဗီဒစ်ဟာ တောရက်စ်ကို လိုတာထက် လူကပ်ကစားတဲ့အတွက် ပထမအ၀ါဟာ မလိုအပ်ပဲနဲ့  ရရှိသွားတာပါ။ အဲ့ဒီအ၀ါဟာ အရှုံးကို ထိရောက်သလားဆိုတော့ ထိရောက်ပါတယ်။ ၂-၀ ဆိုတဲ့ပြတ်သားတဲ့ အရှုံးကို ရရှိသွားတာပါပဲ။ ပထမအ၀ါထိတဲ့အတွက် ဒုတိယ အ၀ါထိတဲ့အချိန်မှာ အနီနဲ့ ထွက်သွားရပါတယ်။ အနီထိပြီး တယောက်လျော့သွားတဲ့အတွက် နာကျင်အချိန်ပိုမှာ နောက်ထပ်တဂိုးပေးလိုက်ရတာပါ။ ပြီးတော့ ဖာဒီနန်ဟာလည်း ဗီဒစ်အတွက် လုံလောက်တဲ့ အကူအညီတွေ မပေးနိုင်ခဲ့ပါဘူး။ အိုရှေးရဲ့ ခြေစွမ်းကတော့ သာမန်ပါပဲ။ အရင်ပွဲတွေက ရှေ့မှာ တောက်လျှောက်ကူညီနိုင်ခဲ့တဲ့ အီဗရာလည်း ဒီနေ့ ပွဲမှာ ကောင်းမွန်တဲ့ ဖြတ်တင်ဘောတွေ တင်ပေးနိုင်တာ မတွေ့ ရပါဘူး။
အလယ်တန်း
အလယ်တန်းမှာတော့ ဖာဂူဆန် အားကိုးတဲ့ တောင်ပံ၂ဖက်က ဘယ်လိုမှကို အသုံးမကျခဲ့ပါဘူး။ ဂစ်ခြေထောက်ထဲမှာပဲ ဘောလုံးဟာ အပျက်များနေသလို ဗလင်စီယာ ကလည်း ထိရောက်တဲ့ပံပိုးမှု ၁ ကြိမ် ၂ကြိမ်ကလွဲလို့  ကျန်တဲ့အပိုင်းမှာ အားရစရာ မရှိပါဘူး။ ပြီးတော့ ကွင်းလယ်မှာ ဆော့တဲ့ ပေါ့စခိုးနဲ့  ကာရစ်ဟာ နောက်မှာသာ အထိုင်များနေပြီး ရှေ့က တိုက်စစ်မှူးတွေကို လိုအပ်တဲ့ အကူအညီမပေးနိုင်ခဲ့ပါဘူး။
ရှေ့တန်း
ဒဏ်ရာက ပြန်လာတဲ့ ရွန်နီဟာ အခုနောက်ပိုင်း မန်ယူပရိသတ်တွေကိုယ်တိုင်တောင် စိတ်ပျက်လောက်အောင် ကစားနေပါတယ်။ သူ့ ကိုစိတ်ကြိုက်ကစားခွင့် ပေးထားတာတောင် လိုအပ်တဲ့အသင်းရဲ့ ကစားကွက်မှာ အံ့ဝင်အောင် မဆော့ပဲ သူလုပ်ချင်ရာကို လုပ်နေသလိုပါပဲ။ ဘာဘာတော့ရဲ့ ခြေစွမ်းဟာလည်း အသင်းငယ်လေးတွေနဲ့ ပွဲမှာသာ မြင်ရပြီး တန်းတူအသင်းကြီးတွေနဲ့ ဆိုရင် သူ့ ရဲ့ကိုယ်ပိုင်စကေးက လွဲလို့  အသင်းကို ဘာမှထောက်ပံ့မှူ မလုပ်နိုင်ခဲ့ပါဘူး။ ဒီပုံစံအတိုင်းသာ ဆိုရင် နောက်ထပ် ၁ နှစ် လောက်မှာ အသင်းရဲ့ ပထမပွဲထွက်လူစာရင်းကနေ ပျောက်ဖို့ များနေပါတယ်။ ဖာဂူဆန်သာ ခေါင်းမမာဘူးဆိုရင်ပေါ့။
ဒီပွဲအရှူံးဟာ သိပ်ပြီးတော့ မကြီးမားဘူးဆိုပေမယ့် အပြိုင်အဆိုင်ဖြစ်နေတဲ့ ချယ်လ်ဆီးကို ပထမနေရာပြန်ပေးလိုက်ရတာကတော့ သူတို့ ကို စိတ်ဓာတ်မြှင့်ပေးလိုက်သလို ဖြစ်သွားပါတယ်။ ဒီနှစ် ဖလားလုပွဲမှာ အခုလက်ရှိအတိုင်းသာဆိုရင် အဓိက ပြိုင်ဘက်က ချယ်လ်ဆီးတစ်သင်းပါပဲ။ ဖြစ်နိုင်မယ်ဆိုရင် ချယ်လ်ဆီးကို ဖြတ်နိုင်သလောက် ဖြတ်ထားရမှာပါ။ ကဲ အခုလို ပထမနေရာ ပြန်ပေးလိုက်ရပြီဆိုတော့ ထိပ်ကိုပြန်ရောက်ဖို့  လိုအပ်တဲ့အားထုတ်မှုထက် ပိုပြီးအားစိုက် ရပါတော့မယ်။ အားမနာတန်းသာ ဝေဖန်ရမယ်ဆိုရင်တော့ အခုလက်ရှိ မန်ယူရဲ့ခြေစွမ်းဟာ အားရစရာ အနေအထားမှာ လုံးဝ မရှိသေးတာပါ။ နောက်ပွဲတွေမှာတော့ မန်ယူရဲ့တည်ငြိမ်တဲ့ ခြေစွမ်းတွေကို တစ်ပွဲထက်တစ်ပွဲပိုပြီးတိုးတက်လာပြီး လိုအပ်တဲ့ရလာဒ်တွေကို ရယူနိုင်ပါစေလို့  မျှော်လင့်ရင်း...........
စကားချက်။ ။အခုလက်ရှိတင်ပြထားတာတွေဟာ ကျနော့်ရဲ့ အမြင်သက်သက်သာ ဖြစ်ကြောင်းပါ။ ကျန်တဲ့ သူရဲနီပရိသတ်တွေအနေနဲ့ လည်း မိမိတို့ ရဲ့အမြင်တွေကို ၀င်ရောက်ဆွေးနွေးပေးဖို့  ဖိတ်ခေါ်အပ်ပါတယ်။
Filed Under: Featured , Match Review , Premier League
0 comments
Trackback URL | Comments RSS Feed