ကမ္ဘာ့ဖလားဖိုင်နယ်အထိ ရောက်ရန် စိတ်ရော ကိုယ်ပါ နှစ်ထားပါတယ်ဆိုတဲ့ အီဗရာ
ကျနော် ယခုအချိန်မှာ ပြင်သစ်အသင်းနဲ့အတူ ကမ္ဘာ့ဖလား ဖိုင်နယ်ကို ရောက်ရှိဖို့ အလိုရှိနေပါတယ်။ ကျောန်ာတို့ ရောက်ကို ရောက်မှလည်း ဖြစ်မှာပါ။ တကယ်လို့ ကျနော်တို့ Qualify မ၀င်ခဲ့ရင် သေချာပါတယ် အားလုံးရဲ့ လှောင်ပြောင် သရော်မှုကို ခံရမှာပါ လို့ ပြင်သစ် နောက်ခံလူ အီဗရာက မန်ယူတီဗီ ကိုပြောခဲ့ပါတယ်။
ပြီးခဲ့တဲ့ နှစ် အင်္ဂလန်အသင်း Euro 2008 ကို Qualify မ၀င်ခဲ့စဉ်က မန်ချက်စတာ ယူနိုက်တက် အသင်းက အင်္ဂလန်အသင်း ကစားဖော်တွေကို ကျနော် စနောက်ခဲ့ဖူးပါတယ်။ သူတို့ကို ကျနော် ပြန်ပြီး ကလဲ့စားချေဖို့ အခွင့်အရေး မပေးချင်ပါဘူး။
ပြင်သစ် အသင်းဟာ လာမဲ့ အောက်တိုဘာ ၁၀ နဲ့ ၁၄ ရက်တွေမှာ အိမ်ကွင်းမှာ Faroe Island နဲ့ Austria ကို လက်ခံ ကစားရမှာ ဖြစ်ပါတယ်။ အီဗရာရဲ့ ပြင်သစ်အသင်းဟာ တသင်းတည်း ကစားဖော် ဗီဒစ်နဲ့ တော့ဆစ်တို့ရဲ့ ဆားဘီးယား အသင်းရဲ့ နောက်မှာ ၄ မှတ်အကွာမှာ ရှိနေပါတယ်။
ခုအနေအထားမှာ ကျနော်တို့တွေ အကောင်းအဆုံး အနေအထားမှာ မရှိနေပါဘူး။ ဒါပေမဲ့ ကျနော့ ကစားဖော်တွေနဲ့ အသင်းကို ယုံတယ် ကျနော်တို့ ဖြစ်ကို ဖြစ်ရမယ်လို့။ ကျနော်တို့တွေမှာ အကောင်းဆုံး ကစားသမားတွေ ရှိနေခဲ့ပေမဲ့ ကျနော်တို့တွေရဲ့ အကောင်းဆုံး စွမ်းဆောင်မှုတွေကို ရရှိခဲ့တယ်လို့ မထင်ပါဘူး။ ဒါကြောင့်လည်း ကျနော်တို့တွေ European Championship မှာ ပထမအဆင့်နဲ့ ထွက်ခဲ့ရတာပေါ့ အရမ်းကို စိတ်ပျက် စရာကောင်းခဲ့ပါတယ်။ ဒါပေမဲ့ ခုတော့ ကျနော်တို့တွေ အကောင်းဆုံး အနေအထား ရောက်နေပီလို့ ထင်ပါတယ်။ ကျနော်တို့တွေ ပီးခဲ့တဲ့ ၂ ပွဲမှာ ၂ မှတ်ပဲ ရယူနိုင်ခဲ့ပါတယ် ရိုးမေးနီးယား နဲ့ ဆားဘီးယား ပွဲစဉ်တွေမှာပါ ဒါပေမဲ့ ကျနော်တို့တွေ အကောင်းဆုံး ကစားခဲ့ကြပါတယ်။ ပရိတ်သတ်တွေ ကလည်း ကျနော်တို့ ဒီလို အနေအထားအတွက် မလှောင်ပြောင် ခဲ့ကြပါဘူး။ ဒါဟာ ကံမကောင်းမှု သက်သက်လို့သာ သူတို့ ယုံကြည်ခဲ့ပါတယ်။ ပုံမှန်အားဖြင့်တော့ ကျနော် ဒီစကား အသုံးအနှုန်းကို မကြိုက်ပါဘူး ဒါပေမဲ့ ဒီတခါမှာတော့ ကျနော်တို့ တကယ့်ကို ကံမကောင်းခဲ့ကြပါဘူး။
0 comments
Trackback URL | Comments RSS Feed