Manchester United vs Tottenham
မန်ယူအသင်းဟာ ဒီတပတ် စနေ မြန်မာစံတော်ချိန် ည ၁၁ ၀၀ မှာ မန်ယူအသင်းရဲ့ အိုးထရဒ်ဖို့ ကစားကွင်းမှာ ယှဉ်ပြိုင် ကစားကြမှာ ဖြစ်ပါတယ်။ ပထမအကျော့ စပါးကွင်းမှာ ကန်စဉ်က ဂိုးမရှိ သရေ ကျခဲ့တဲ့ ဒီ ၂ သင်းဟာ ဒီအကျော့ မန်ယူအသင်းမှာ ယှဉ်ပြိုင်မဲ့ အခါ ဘယ်လို ရလဒ်မျိုး ထွက်လာမလဲ ဆိုတာ စိတ်ဝင်စားစရာပါပဲ။
မန်ယူအသင်းအနေနဲ့ ပြီးခဲ့တဲ့ ဗုဒ္ဒဟူးနေ့က ပို့စ်မောက်ကို အိမ်ကွင်းမှာ ၂ ဂိုး ဂိုးမရှိနဲ့ အနိုင်ရထားပါတယ်။ ဒီပွဲအနိုင်ကြောင့် ဒုတိယနေရာက ကပ်လိုက်နေတဲ့ လီဗာပူးလ် အသင်းကို ရာသီပြီးဆုံးရန် ငါးပွဲသာ လိုတော့ချိန်မှာ တပွဲလျော့ ၃ မှတ် ဖြတ်ထား နိုင်ခဲ့ပါတယ်။ သို့ပေမဲ့ ကျန်တဲ့ ပွဲစဉ် ငါးပွဲမှာ မန်ယူအသင်းအတွက် ယှဉ်ပြိုင် ကစားရမဲ့ အသင်းတွေက ယနေ့ ကန်ရမဲ့ စပါးအသင်း အပါအ၀င် ပြိုင်ဘက် အာဆင်နယ်၊ မြို့ခံ ပြိုင်ဘက် မန်စီးတီးတို့ လို့ ပွဲကျပ်တွေ ပါနေတာက မန်ယူအသင်းကို အခက်တွေ့ စေဦးမှာ ဖြစ်ပါတယ်။ မန်ယူအသင်းအနေနဲ့ ဒီနေ့ ပွဲစဉ်မှာ ဘယ်လိုနည်းနဲ့မှ အလျှော့မပေးပဲ ကန်ရမှာ ဖြစ်ပါတယ် အက်ဖ်အေ ဖလားကို ဆုံးရှုံးလိုက်ရတဲ့ မန်ယူအသင်းအနေနဲ့ ပရီးမီးယားလိဂ် ဖလားကို မရအရ ယူပါလိမ့်မယ်။ မန်ယူအသင်းမှာ ဖလက်ချာ၊ ဘရောင်း ကလွဲလို့ လူစုံပါဝင် ကစားနိုင်မှာ ဖြစ်ပါတယ်။
စပါးအသင်းအနေနဲ့ကတော့ နောက်ဆုံး ၃ ပွဲမှာ ၂ ပွဲ နိုင်ကာ ၁ပွဲ ရှုံးထားပါတယ်။ ခြေစွမ်းအရ မန်ယူအသင်းကို ဒုက္ခပေးနိုင်မဲ့ စပါးအသင်းဟာ အိုးထရဒ်ဖို့မှာတော့ အစဉ်အလာအရ မလွယ်ကူခဲ့တာ တွေ့ရပါတယ်။ မန်ယူအိမ်ကွင်းမှာ စပါးအနေနဲ့ အမြင့်ဆုံး သရေသာ ကစားနိုင်ခဲ့တာတွေကို တွေ့ရမှာပါ။ ဒီတခေါက်မှာတော့ စပါးအသင်းဟာ ချန်ပီယံဖြစ်ရန် တာစူနေတဲ့ မန်ယူအသင်း ပြေးလမ်းကို ပိတ်နိုင်မလား ဒုက္ခပေးနိုင်မလား ဆိုတာကို ကျနော်တို့ စောင့်ကြည့်ရမှာ ဖြစ်ပါတယ်။
ကျနော်လား .. မန်ယူပရိတ်သတ်ပဲဗျာ မန်ယူပဲပေါ့။
Filed Under: Match Preview , Premier League
0 comments
Trackback URL | Comments RSS Feed