West Ham Vs Manchester United
ဒီတပတ် ဆန်းဒေးမှာတော့ ကျနော်တို့ မန်ချက်စတာ ယူနိုက်တက် အသင်းဟာ ၀က်စ်ဟမ်း အသင်းကို အဝေးကွင်းမှာ သွားရောက် ယှဉ်ပြိုင် ရမှာ ဖြစ်ပါတယ်။ ဒီပွဲကို မြန်မာစံတော်ချိန် ညပိုင်း ၁၀ခွဲမှာ ကန်မှာဖြစ်ပါတယ်။
မန်ယူဟာ ခုဆိုရင် ပရီးမီးယားလိဂ်ရဲ့ ဇယားမှာ ထိပ်ဆုံးက ဦးဆောင်နေပီး ဒုတိယအဆင့်မှ လီဗာပူးလ် အသင်းကို ၂ မှတ်အသာ (တပွဲလျော့) နဲ့ ဦးဆောင်နေပါတယ်။
လက်ရှိ ခြေစွမ်းအရလည်း အကောင်းဆုံး အနေထားမှာ ရှိနေပါတယ်။ ဘာဘာတော့ဖ်ဦးဆောင်ပီး ဒိုလေးတို့ ပံ့ပိုးနေတဲ့ ရှေ့တန်းနဲ့ အလယ်တန်းဟာ ဟန်ချက်ညီနေသလို ၁၂ ပွဲတိုင် ပေးဂိုးမရှိခဲ့တဲ့ နောက်တန်းနဲ့ ၀ါရင့်ဂိုးသမား ဗန်ဒါးဆားဟာလည်း အထူးတည်ငြိမ်နေတာ တွေ့ရမှာပါ။
ဒီတပတ် ၀က်စ်ဟမ်း နဲ့ပွဲမှာလည်း မန်ယူအသင်းဟာ နိုင်ပွဲဆက်မယ်လို့ (ကျနော့အမြင်) ထင်ပါတယ်။ ခြေစွမ်း အရရော သမိုင်းကြောင်း အရပါ မယှဉ်နိုင်ပါဘူး။ ဒါမဲ့ ခုတလော Gianfranco Zola ရဲ့ လက်ထဲမှာ အဆင့်ရှစ် နေရာထိ တက်လှမ်းလာနိုင်တဲ့ ၀က်စ်ဟမ်းအသင်းရဲ့ ခြေစွမ်းကို တော့ လျှော့တွက်လို့ မရတာ အမှန်ပါပဲ။ ဒါပေမဲ့ ဒဏ်ရာရ ကစားသမားတွေ ပြန်လာမဲ့ ဒီပွဲ၊ ပရီးမီးယားလိဂ်ရဲ့ ဇယားကို ထိန်းထားချင်တဲ့ မန်ယူ အသင်းကို ၀က်စ်ဟမ်းတို့ ရပ်တန့် စေပါ့မလားဆိုတာတော့ ဖန်သားပြင်ပေါ်မှာ ဆက်ကြည့်ရအောင် ...
ပွဲစဉ် ခန့်မှန်း - ၀က်စ်ဟမ်း ၀ - ၁ မန်ယူ၊ ၀က်စ်ဟမ်း ၀ - ၂ မန်ယူ
Filed Under: Featured , Match Preview
0 comments
Trackback URL | Comments RSS Feed