FA 5th Round and new contract for Ryan Giggs

မန်ယူအသင်းဟာ လာမဲ့ ဖေဖော်ဝါရီ ၁၅ ရက်နေ့ ဆန်းဒေးမှာ FA 5th Round အနေနဲ့ Derby အသင်းကို အဝေးကွင်းမှာ သွားရောက် ယှဉ်ပြိုင် ရမှာ ဖြစ်ပါတယ်။ လက်ရှိ အနေအထားအရ အကောင်းဆုံး အနေအထား ရောက်ရှိနေတဲ့ မန်ယူအသင်းအတွက် ပုံမှန် အနေအထားအရ စိတ်ပူစရာ မရှိတာ အသေအချာပါ။ ဒါပေမဲ့ အသင်းနည်းပြ ဖာဂူဆန် ဘယ်လို လှည့်ကွက်တွေ ထုတ်စမ်းဦးမလဲ ဆိုတာအတွက်တော့ စိတ်ဝင်စားစရာပါ။ ပထမ ၁၁ ယောက်ကို ကစားခိုင်းမှာလား .. ဒါမှမဟုတ် လူသစ်တွေကို ပဲ စမ်းကစားစေမှာလား .. ဒီအဆင့်ထိ ရောက်နေပီ ဖြစ်တဲ့အတွက် ဖာဂီ့အနေနဲ့ သတိထား ကစားလိမ့်မယ်လို့ ကျနော်မြင်ပါတယ် .. ကဲ ကျနော်တို့ အသင်း ဘယ်လို အကောင်းဆုံး တင်ဆက်မလဲဆိုတာ ဖန်သားပြင်မှာ စောင့်ကြည့်ရအောင်။

မန်ယူဂိုးသမား ဖြစ်သူ ဗန်ဒါးဆားဟာ ပီးခဲ့တဲ့ ၀က်စ်ဘရွန်းနဲ့ ကန်တဲ့ပွဲအပြီးမှာ မန်ယူအသင်းအတွက် ၁၃ ပွဲကြာ ဂိုးမပေးရတဲ့ ဂိုးသမားအဖြစ် ဗြိတိန် မှာ စံချိန်တင် ဂိုးသမား ဖြစ်ခဲ့ပါတယ်။ ဗန်ဒါးဆားဟာ ဒီစံချိန်ကို ရိန်းဂျားဂိုးသမား ခရစ်စ်ဝုဒ်ရဲ့ ၁၁၉၆ မိနစ်ကြာ ဂိုးမပေးရတဲ့ စံချိန်ကို ကျော်ဖြတ်ပီး ရယူနိုင်ခဲ့တာဖြစ်ပါတယ်။

ဒီအပြင့် သတင်းကောင်းတခုကတော့ အစောပိုင်းက မန်ယူကစားသမား အဖြစ်မှ အနားယူတော့မယ် လို့ သတင်းထွက်နေတဲ့ အသင်းရဲ့ ဂန္တ၀င် ကစားသမား ရိုင်ယန်ဂစ်စ်ကို မန်ယူအသင်းက ၁ နှစ်ကြာ တိုးချဲ့ထားတဲ့ စာချုပ် အသစ်တရပ် ချုပ်ဆို နိုင်ခြင်းပါပဲ။ ဒီစာချုပ် သက်တမ်းအရ ဂစ်စ်ဟာ မန်ယူအသင်းမှာ ဇွန်လ ၂၀၁၀ အထိ ရှိနေတော့မှာ ဖြစ်ပါတယ်။ ရိုင်ယန်ဂစ်စ်ဟာ မန်ယူအသင်းအတွက် ၇၈၇ ပွဲ ကစားပေးခဲ့ပီး ပရီးမီယား ဖလား ၁၀ခု၊ ချန်ပီယံလိဂ် ဖလား ၂ ခု၊ အက်ဖ်အေ ဖလား ၄ ခုနဲ့ လိဂ်ဖလား ၂ခု တို့ကို ဆွတ်ခူးရာမှာ အဓိက အခန်းကဏ္ဍက ပါဝင်လှုပ်ရှား ခဲ့သူ ဖြစ်ပါတယ်။ ဒီနေ့ ဒီအချိန်ထိ မန်ယူအသင်းမှာ သစ္စာရှိရှိ ကစားနေတဲ့ မန်ယူကို ချစ်တဲ့ မန်ယူချစ်သူတွေက ချစ်တဲ့ ကစားသမား တဦးဖြစ်ပါတယ်။ ကဲ ဒီသတင်းကိုတော့ ကျနော် နှစ်သက်သလို ခင်ဗျားတို့လည်း နှစ်သက်မယ်လို့ ယုံကြည်မိပါရဲ့ :) ။

Filed Under: Featured , Match Preview